Алабугада җиде балигъ булмаган бала комендант сәгатен бозган

1 август көнне «Георгиевский» паркында уртак тикшерү узды. Төрле ведомстволар белгечләре балаларның һәм яшүсмерләрнең җәмәгать урыннарында төнлә булу-булмавын тикшерделәр. Чара барышында хезмәткәрләр 22:00 сәгатьтән соң паркта олылар озатуыннан башка булган 7 яшүсмерне ачыкладылар.

Рейдны мәгариф идарәсе башлыгы Алена Балобанова җитәкчелегендәге эшче төркем оештырды. Тикшерүдә полиция, балигъ булмаганнар эшләре буенча комиссия, прокуратура һәм башка хезмәтләр катнашты.

Төнлә паркта булган яшүсмерләр һәм аларның әти-әниләре белән аңлату әңгәмәләре үткәрелде. Әгәр хокук бозулар расланса, ата-аналарга Татарстан Республикасы Законы буенча штраф салынырга мөмкиннәр.

Административ материаллар балигъ булмаганнар эшләре буенча комиссиягә карауга җибәрелде. Мондый рейдлар яшүсмерләр арасында хокук бозуларны кисәтү һәм төнлә аларның иминлеген тәэмин итү өчен даими үткәрелә.