Алабугада Җиңү көнен бәйрәм итү программасы үзгәрде

Алабугада Җиңү көнен бәйрәм итү программасына төзәтмәләр кертелде. Һава шартлары аркасында кичке программаның бер өлеше гамәлдән чыгарылды. 9 Майны алабугалылар «Молодежный» стадионында, «Александровский сад» паркында, Ленин мәйданында бәйрәм итәчәкләр.

Хәтер Мемориалы
10.40 — Тыл хезмәтчәннәре стеласына, Геройлар бюстларына, Мәңгелек утка чәчәкләр салу тантанасы.

«Александровский сад» паркы
13.00 — Концерт программасы.

«Мәйдан» («Молодежный» стадионы)

11.00 — Тантаналы чара: «Победа будет за нами!» театральләштерелгән тамаша, шәһәрнең уку йортлары парады, солдат боткасы белән сыйлану, тере инсталляцияләр.
12.00 — «Җиңү язы» муниципаль хор музыкасы конкурсының гала-концерты
13.00 — Алабуга мәдәният һәм сәнгать колледжының концерт программасы
14.00 — Шәһәр мәдәният сарае коллективының концерт программасы
15.00 — «Белый тигр» (реж. Карен Шахназаров) фильмы трансляциясе. 

Ленин Мәйданы 
20.00 — «Хәтер шәме» Бөтенроссия акциясе.