Инвалидлар декадасы кысаларында Алабугада «Игелекле эшләр марафоны» уза.

Ел саен Инвалидлар декадасы кысаларында Алабугада «Игелекле эшләр марафоны» уза. Теләге булган һәркем үз өлешен кертеп, акчаны физик мөмкинлекләре чикләнгән балаларга ярдәм итүгә юнәлдерә ала. Быел марафон 2020 елның 3 декабрендә узачак. Кайбер балалар курчаклар, конструкторлар турында хыяллана, ә кемгәдер дәвалану һәм тернәкләндерү чаралары өчен акча кирәк. Баланың хыялын тормышка ашырырга, аңа ярдәм итәргә теләсәгез, 9-50-71 телефоны буенча «Астра» тернәкләндерү үзәгенә мөрәҗәгать итә аласыз.