Алабугада юл һәлакәтләре корбаннарын искә алу көненә багышланган атна узачак

14 ноябрьдән 20 ноябрьгә кадәр Татарстанда Бөтендөнья юл-транспорт һәлакәтләре корбаннарын искә алу көненә багышланган юл хәрәкәте иминлеге буенча чаралар узачак. Алабугада да төрле профилактик акцияләр үткәрү планлаштырыла. 

Дәүләт автоинспекторлары чаралар оештырачак, хезмәт коллективлары белән очрашулар, мәктәпләрдә ачык дәресләр һәм ата-аналар җыелышлары үткәрәчәк.

18 ноябрьдә Татарстанның барлык мәктәпләрендә «Бердәм юл хәрәкәте куркынычсызлыгы көне» оештырылачак.