Алабугада капиталь ремонт архитектура үзенчәлекләрен исәпкә алып эшләнә

Гомуми бюджет — 292,9 миллион сум. Хәзерге вакытта эшләрнең 47,7 проценты башкарылган. Бу хакта район башкарма комитеты җитәкчесенең инфраструктура үсеше буенча урынбасары Андрей Томилин хәбәр итте.

Биналарның тышкы күренешенә аерым игътибар бирелә. Район башкарма комитеты җитәкчесенең инфраструктура үсеше буенча урынбасары Андрей Томилин аңлатканча, берничә ел элек Алабугада «Якты шәһәр» концепциясе кабул ителгән.

− Эскизны эшләгәндә күзләр өчен бик җиңел, табигый тоннар игътибарга алына. Без төрле шәһәрләр тәҗрибәсен өйрәндек һәм Алабуганың үзенчәлекле мәдәни кодка ия булуын аңладык. Ул сабыр һәм тыныч. Хәтта шәһәрнең яңа өлешендә дә бу атмосфераны саклап калу өчен архитекторлар йомшак көрән төсне сайлыйлар, — дип сөйләде Андрей Томилин.

Нинди эшләр тәмамланган?

— Таҗи Гыйззәт урамы, 16/73; Тынычлык проспекты, 25 һәм 41 йорт адреслары буенча алгы газүткәргеч алыштырылган.

— Хирург Нечаев урамындагы 11 нче йортның 1, 2, 3 нче подъездларында; Мәрҗани урамындагы 8 нче йортның 2 нче подъездында; Мәрҗани урамындагы 22 нче йортның 2, 3 нче подъездларында яңа лифтлар урнаштырылган.

Агымдагы эшләр

Хәзер подрядчылар төгәлли:

— Таҗи Гыйззәт урамы, 16/73, Тынычлык проспекты, 34, Нефтьчеләр проспекты, 20 адреслары буенча фасадларны җылыту;

— Тынычлык проспекты, 17 адресында инженерлык челтәрләрен ремонтлау;
— 56 адресы буенча су агызу эшләре;

— Чулман урамы, 1, 7, 9; Нефтьчеләр проспекты, 281 адресларында түбә ремонтлау.

Параллель рәвештә түбәндәге эшләр алып барыла:

— фасадларны җылыту (Тынычлык проспекты, 16, 25, 41);

— җылылык һәм су белән тәэмин итү системаларын ремонтлау (Тынычлык проспекты, 17);

— лифтларны алыштыру (Мәрҗани урамы, 22, 4нче подъезд);

— түбәне ремонтлау (Төзүчеләр урамы, 15).

Якын арада нинди эшләр планлаштырылган?

Мәрҗани урамы, 12нче йортта фасадны җылыту.

Пролетар урамы, 6, 16нчы йортларда түбә ремонтлау.

Лифтларны алмаштыру: 5, 6 подъездлар (Мәрҗани урамы, 22); 1-4 подъездлар (Хирург Нечаев урамы, 10); 1 подъезд (Хирург Нечаев урамы, 17); 3, 5, 6 подъездлар (Хирург Нечаев урамы, 5).

Алабуга районында капремонт программасы дәвам итә — шәһәр халкының тормыш сыйфатын сизелерлек яхшыртырга тиешле эшләрнең яртысыннан артыгы алда әле.