Алабугада кичә тагын 2 кеше коронавирус инфекциясе йоктырган

Яңа вирус йоктырган 20 кеше хастаханәгә озатылган, 41 кеше өйдә дәвалана.

Казанда — 27, Чаллыда — 14, Тукай һәм Лаеш районында — 4, Түбән Камада — 3, Әгерҗе һәм Алабугада — 2шәр, Актаныш, Зәй, Лениногорск, Менделеевск, Чистай районнарында берешәр кеше йоктырган.

30 сентябрьгә алынган мәгълүматлар буенча, Татарстанда барлыгы COVID-19 белән авыруның 27 060 очрагы теркәлгән.

Пандемия башланганнан бирле коронавирус инфекциясе йоктырган 23 246 кеше савыккан. Узган тәүлектә — 55 кеше.

Барлыгы 1 083 377 кешегә прививка ясалган. Шулардан 953 968 кеше прививканың икенче дозасын ясаткан. 

Фото: pixabay.com