Алабугада Кирилл Тимряков белән хушлашу мәрәсиме узды

Бүген алабугалылар Бөек Ватан сугышы ветераны, мактаулы граждан Кирилл Степанович Тимряков белән хушлашты.

Ветеранны соңгы юлга озатырга хакимият вәкилләре, иҗтимагый хәрәкәт активистлары, локаль сугышлар ветераннары һәм геройны искә алырга теләүче алабугалылар килде.

Кирилл Степановичның туганнарына кайгы уртаклашу сүзләре белән АМР Башкарма комитеты җитәкчесенең социаль үсеш буенча урынбасары Елена Мерзон мөрәҗәгать итте:

— Без Җиңүнең көнен икенче елда да Кирилл Степанович белән каршы алырга өметләнгән идек, ләкин, кызганыч... Ул гаҗәеп кызыклы, тулы тормыш кичерде. Яшьтән үк колхозда эшләде. Ул чын патриот иде. Җиңүнең 85 еллыгы елында аңа Мактаулы гражданин исеме бирелде. 

Кайгы уртаклашу сүзләренә Алабуга Хәрби диңгезчеләр берлеге рәисе Павел Пузырев кушылды:

— Ул чын диңгезче иде. Ул фашизмга каршы лаеклы көрәште һәм, мөмкин булганча, безнең МХОдагы егетләргә ярдәм итте. Геройга мәңгелек дан.
Сугышчан хәрәкәтләрнең барлык ветераннары исеменнән Союз рәисе Михаил Семенов чыгыш ясады:

— Бөек Ватан сугышы геройлары безнең өчен үрнәк. Киләчәк буыннарга белем бирәчәкбез, патриотлыкны үстерәчәкбез. Геройларга мәңгелек дан.

Ветеранның кызы Светлана алабугалыларның әтисенә күрсәткән ихтирамнары һәм игътибарлары өчен рәхмәт белдерде.

— Әгәр ул исән булса, «безнең эшебез хак, дошман тар-мар ителәчәк», — дип әйтер иде. Аның соңгы сүзләре һәрвакыт безнең һичшиксез җиңәчәгебез турында иде. Барыгызга да зур рәхмәт. Алабугалылар безне беркайчан да ярдәмсез калдырмады.

Кирилл Степанович Тимряковны туган авылында, Буа районында җирләячәкләр.

Газета редакциясе Кирилл Степанович Тимряковның туганнары һәм якыннарының кайгысын уртаклашуга кушыла. Герой турындагы якты истәлек безнең йөрәкләрдә мәңгегә сакланыр.