Алабугада күп балалы гаиләгә торак сертификаты тапшырдылар

Шәһәр һәм район тормышы мәсьәләләре буенча киңәйтелгән киңәшмәдә Маммадовлар гаиләсенә торак сертификаты тапшырдылар. Анда 15, 14, 9, 8, 4 һәм 2 яшьлек алты бала тәрбияләнә.

− Бу фатирны бик көттек, сөенечтән хәтта күзләргә яшь килә. Безгә күрсәткән ярдәме өчен район җитәкчелегенә, район башлыгы Рөстәм Нуриевка рәхмәт әйтәсе килә, — ди Галина Маммадова.

Хәзер аның гаиләсе Олы Шүрнәк авылында яши, тиздән алар Алабугага яңа фатирга күчәчәк.