Алабугада «Куркынычсыз юл» акциясе узды

Юл-транспорт һәлакәтләрен кисәтү максатыннан Алабуга дәүләт автоинспекторлары 10нчы лицейның яшь инспекторлары белән берлектә «Җәяүле» һәм «Юл хәрәкәте иминлеге атналыгы» операциясе кысаларында җәяүлеләр катнашында «Куркынычсыз юл» акциясе үткәрде. 

Акция шәһәр урамнарында җәяүлеләр кичүе янында үткәрелде. 

Алар машина йөртүчеләргә һәм җәяүлеләргә буклетлар тапшырдылар, юл хәрәкәте кагыйдәләрен, яктылыкны кайтаручы элементларны куллану кирәклеген искәрттеләр.