Алабугада «Минем икенче әнием» конкурсы игълан ителде

Халыкара хатын-кызлар көне алдыннан редакция иҗади конкурс игълан итә. Без алабугалыларны яраткан педагогларга, тәрбиячеләргә һәм репетиторларга багышланган елмаюлар һәм ихлас теләкләр галереясын булдыруда катнашырга чакырабыз. 

Конкурсның максаты: педагогларның күңел җылысын, һөнәри осталыгын һәм үз эшләренә мәхәббәтен чагылдырган фотосурәтләр коллекциясен туплау. Портретлар, эш вакытында төшкән сурәтләр яки укучылар белән уртак фотолар кабул ителә.

Катнашу шартлары:

• Эшләр 2026 елның 8 февраленә кадәр кабул ителә.

Фотоларны кая җибәрергә:

• Электрон почтага: new-kama@bk.ru

• Сайттагы махсус форма аша

• Мессенджерларга 8-903-319-25-74 номеры буенча.

Хәбәрдә күрсәтергә кирәк:

1. Педагогның исем-фамилиясен, ул эшли торган учреждениене.
2. Фотография авторының исеме һәм элемтә телефоны.

Җиңүчене билгеләү:

• 9 февральдән 4 мартка кадәр alabuganury.ru сайтында ачык онлайн-тавыш бирү узачак.

• Иң күп тавыш җыйган фотография җиңүче дип таныла.

• Җиңүченең исеме 2026 елның 4 мартында игълан ителәчәк. Иң яхшы фотоны җибәрүче кул эшләре остасыннан бүләк җыелмасын алачак.

Конкурс — балаларны тәрбияләүгә һәм аларга белем бирүгә тормышларын багышлаган яраткан укытучылырыбыз һәм тәрбиячеләребезгә ачыктан-ачык рәхмәт белдерү мөмкинлеге.