Алабугада МХО ветераннары тавыш бирде һәм сайлау көнендә тәртип тәэмин итте

Алабуга районында ТР Рәисен һәм җирле үзидарә депутатларын сайлау көнендә ветераннар һәм махсус хәрби операциядә катнашучылар тавыш бирүдә катнашып кына калмыйча, ирекле халык дружиналары составында тәртип һәм иминлекне сакларга да ярдәм иттеләр. Рөстәм Садыйков, Радик Хаиров һәм Андрей Пермяков шулай ук аралашу мөмкинлегеннән дә файдаландылар.

— Без һәрвакыт сайлауларга гаиләбез белән, дусларыбыз белән йөрибез. Бу әһәмиятле көн: без Россиядә барысы да яхшы булсын өчен тавыш бирәбез. Һәр тавыш мөһим, шуңа күрә бу һәр гражданның бурычы. Илнең язмышы бит безгә һәм безнең гамәлләргә бәйле. Әгәр дә без Россиядә үзебез сайламасак, моны безнең өчен кем дә булса эшләячәк.

Роман Епанешников — МХО ветераннары килгән «Барс» яшьләр үзәге директоры урынбасары, шулай ук «Без бергә» гуманитар штабы каршындагы волонтерлар остаханәсе җитәкчесе.

— Волонтерлык бергәлеге һәр сайлауга мастер-класслар, уен пятачоклары һәм кунаклар өчен хәйрия ярминкәсе оештыра. Бүген бирегә килгән безнең яклаучылар маскировка челтәрләрен үрүдә катнашучы балалар һәм яшүсмерләр белән аралашты.