Алабугада Николай Некрасовка багышланган күргәзмәдә квест-уен үтәргә була 

Беренче октябрьдә сәгать 14.00дә Алабуга дәүләт музей-ядкарьлегенең Күргәзмәләр залында язучының тууына 200 ел тулуга багышланган «Некрасов. Өч елга» күргәзмәсе ачыла.

Күргәзмәдә тарихи биналарның фоторәсемнәре, төрле еллардагы китаплар, «Современник» әдәби журналы номерлары, Некрасов замандашларының портретлары, аның хатлары тәкъдим ителәчәк. Анда квест-уен узарга мөмкин булачак, ул язучының шәхесе белән танышуны тагын да мавыктыргыч итәр. Күргәзмә 8 ноябрьгә кадәр эшләячәк.