Алабугада «Өй янындагы бакча» скверында вандализм очрагы теркәлгән

Алабуганың «Өй янындагы бакча» скверында кыз бала урам фонарен бозган.

Балигъ булмаган кызның әти-әнисе шәһәр милкенә китерелгән зыян өчен җаваплылыкка тартылачак. Алабуга администрациясе искә төшергәнчә, муниципаль милекне бозу штраф санкцияләренә китерә.

«Өй янындагы бакча» скверы — шәһәр халкының яраткан ял итү урыннарының берсе, һәм мондый гамәлләр анда тыелган. Хакимият ата-аналарны балаларын тәрбияләүгә күбрәк игътибар бирергә һәм аларга җәмәгать урыннарында үз-үзеңне тоту кагыйдәләрен аңлатырга чакыра.