Алабугада пассажирларны йөртү тәртибен тикшерү буенча рейдлар үтә 

6 апрельдән 15 апрельгә кадәр Алабуга районында пассажирларны йөрткәндә закон таләпләрен үтәүне тикшерү буенча профилактик чаралар үткәрелә. 

Аз сыйдырышлы транспортка аерым игътибар бирелә. 

Кичә Алабуганың дәүләт автоинспекторлары чираттагы тикшерү үткәрде. Барлыгы 25 транспорт чарасы тикшерелде. Рейд вакытында 10 хокук бозу ачыкланды. Шуларның алтысы — куркынычсызлык каешларын эләктермәүгә, икесе иминият полислары һәм техник төзексезлек белән бәйле.