Алабугада Сабантуйга иң яхшы чатырга конкурс игълан ителде

2025 елгы Сабантуйга әзерлек кысаларында Алабуга предприятиеләре һәм оешмалары арасында иң яхшы чатырга конкурс игълан ителде.

Быел катнашучыларны яңа номинацияләр һәм иҗади якын килү мөмкинлеге көтә. 

Оештыручылар бәяләү өчен 7 категория әзерләгән:

• «Иң яхшы милли чатыр»
• «Иң яхшы ишегалды»
• «Иң яхшы продукция тәкъдим итү»
• «Компаниядән иң яхшы мастер-класс»
• «Иң кунакчыл чатыр»
• «Иң креатив чатыр»
• «Иң дус коллектив».

Предприятиеләр һәм оешмалар катнашырга чакырыла.