Алабугада шәһәр халкы өчен яшеренү урыннары турында фикер алыштылар

Шәһәр хуҗалыгының чираттагы киңәшмәсендә гадәттән тыш хәлдә ничек эш итәргә һәм алабугалылар өчен яшеренү урыннарының кайда урнашуы турындагы мәсьәлә яңадан күтәрелде. Бу сыйфатта күпфатирлы йортларда подвалларны, шулай ук идән астын, базны, гаражларда һәм шәхси йортларда күзәтү чокырларын куллану күздә тотыла. 

Идарәче компанияләр күп катлы йортларның подвалларында качу өчен урыннар әзерләргә бурычлы. Аларның ачкычлары идарәче компания хезмәткәрләрендә — сантехникларда булачак.