Алабугада Спас ярминкәсен үткәрү көннәре билгеле булды

Алабугада Бөтенроссия Спас ярминкәсе быел 5,6 һәм 7 августта узачак, дип хәбәр иттеләр Алабуга районы башкарма комитетында.
Традиция буенча инде 8 ел дәвамында Алабугага сәүдә бәйрәменә бөтен Россиядән иң яхшы осталар һәм һөнәрчеләр җыела. Былтыр Спас ярминкәсе көннәрендә рекордлы сандагы катнашучылар - 1,3 мең кеше булды. Үз товарларын һөнәрчеләр Россиянең 170 шәһәреннән, ерак һәм якын чит илләрдән алып килде.