Алабугада спортчы балаларга социаль карта бирелде

Алабугада шәһәрнең аскы өлешендә яшәүче һәм спорт мәктәпләренә йөрүче балаларга социаль карта бирелде. Әлеге карта ярдәмендә балалар спорт объектларына бушлай бара алачак.

Социаль карталарны куллану өчен аларны автобустагы терминалга куеп алырга кирәк булачак. Карта атнага 6 тапкыр баруга исәпләнгән. Алабугада әлеге карталарны 188 бала алган инде. 

Билгеләп үтик, спортчыларга ярдәм итү буенча әлеге инициатива Алабуга районы башлыгы тарафыннан тәкъдим ителгән.