Алабугада тагын бер Бөек Ватан сугышы ветераны вафат булды

Тагын бер Бөек Ватан сугышы ветераны Рәхмәтуллин Нуретдин Нәфыйк улы вафат булды. 

17 яшьлек Нуретдинне 1944 елда армиягә алалар. Нуретдин Нәфыйк улы 7 ел хезмәт иткән. 1957 елның августына кадәр ул хәрбиләштерелгән янгын бүлеге командиры була. 

Башта гаилә Баулы, аннары Әлмәт районнарында яши, ә нефть чыганагы ачылу белән 1963 елда Алабугага күчеп килә. Биредә Нуретдин Нәфыйк улы лаеклы ялга чыкканчы янгын профилактикасы буенча инспектор булып эшли. 

Алабуга районы башлыгы инстаграм аша Нуретдин Нәфыйк улының туганнары һәм якыннарының кайгысын уртаклашты.