Алабугада томан һәм яшенле яңгыр булуы көтелә

Татарстан синоптиклары фаразларына караганда, иртәгә республикада һәм Казанда төнлә һәм иртән томан, көндез яшенле яңгыр булуы көтелә. Яшен вакытында республика территориясендә көньяк-көнбатыштан 15-18 м/с тизлектә җил, яңгыр явуы ихтимал, дип хәбәр итә "Татар-информ".
Көндез Казанда температура 18-22 градус җылы, Татарстан буенча - 18-23 градус.
4 сентябрьгә каршы төндә республикада болытлы һава, яшенле яңгыр явуы көтелә. Төнлә температура 9-14 градус җылы булачак, дип хәбәр итә ТР Гидрометеорология һәм әйләнә-тирә мохитне күзәтү идарәсе.