Алабугада Тукайның 140 еллыгына яңартылган сквер ачылачак

Бөек татар шагыйре Габдулла Тукайның 140 еллыгына Алабугада аның исемендәге яңартылган сквер ачу планлаштырыла. Ул 1 нче мәктәп бинасы каршында урнашкан.

Татар халык шагыйре, публицист, тәнкыйтьче һәм җәмәгать эшлеклесе нибары 26 ел гына яшәсә дә, бик зур мирас калдырган. Шул вакыт эчендә ул 30 томга якын шигырь бастырып чыгара, беренчеләрдән булып балалар өчен шигырьләр яза һәм татар фольклорын өйрәнә башлый. Тукай тәрҗемәләре ярдәмендә төбәк халкы Пушкин һәм Лермонтов иҗаты белән таныша, аның күп кенә әсәрләренә көй языла, ә «Шүрәле» поэмасы буенча Мариинский һәм Зур театр сәхнәләрендә балет куела.

Скверны реконструкцияләү эшләре узган елда башланды. Район башкарма комитеты җитәкчесе Эльмира Әхмәдиева хәбәр иткәнчә, төп эшләр — гранит плитканы сүтеп салу, амфитеатр төзү — яңа елга кадәр тәмамланган.

«Яктырту буенча эшләр язын башкарылачак», — диде Эльмира Әхмәдиева.

Скверны төзекләндерү буенча барлык эшләр җирле бюджеттан финанслана.