Алабугада Украинада махсус операция үткәргәндә һәлак булган солдатны җирләячәкләр

Украина территориясендә махсус хәрби операция үткәрү буенча бурычларны үтәгәндә Эгамбердиев Элер Эркинович һәлак булды. Ул Үзбәкстан Республикасының Сәмарканд өлкәсендә 1980 елның 17 июнендә туган. 

Сугыш хәрәкәтләре ветераны. 2014 елдан контракт буенча Россия Федерациясе Кораллы Көчләрендә хезмәт итә. 

Өйләнгән, өч бала атасы. Гаилә Оренбург өлкәсендә хәрби хезмәт урыны буенча яшәгән. Хәзер гаилә Алабугада яшәячәк.

Алабугада хушлашу тантанасы иртәгә, 11 мартта, 10.00 сәгатьтә Хәтер мемориалында узачак.