Алабугада яңа тукталыш павильоннары урнаштырыла

Алабугада яңа тукталыш павильоннары урнаштыра башладылар. Каркаслар шәһәрнең биш ноктасында куелган инде. 

Әйләнеч урамындагы «Магнит» кибете янында — ике павильон, АТП, УТТ тукталышларында, ЕлАЗ дирекциясе янында берешәр павильон урнаштырылды.

Район башкарма комитетында эшләр 1 ноябрьгә тәмамланачак дип хәбәр иттеләр. Моннан тыш, пыяласы ватылган тукталыш павильоннарында аларны алыштыру эшләре башкарылачак.