Алабугада яшәүче хатын-кызны 200 мең сумга алдаганнар

Алабугада яшәүче 27 яшьлек хатын-кызга билгесез ир шалтырата һәм үзен банк хезмәткәре дип таныштыра. Шуннан соң, ул хатынның банк счетыннан мошенникларның акча урларга тырышулары турында хәбәр итә. Имеш, булган акчаларны саклап калу максатыннан, аларны «куркынычсыз счет» ка күчерергә тәкъдим итә. 

Шалтыратучыга ышанып, ханым күрсәтелгән счетка 200 мең сум акча күчергән. Шуннан соң шалтыратучы элемтәгә керүдән туктый. Бары тик шуннан соң гына хатын полициягә мөрәҗәгать итә.

Вакыйга буенча җинаять эше кузгатылды.