Алабугада җылыту сезоны башлану вакыты турында хәбәр иттеләр

Алабугалыларның фатирларында җылылык һава торышына карап барлыкка киләчәк. Көнлек уртача температура биш көн рәттән 8 градустан түбәнрәк булса, җылылык бирелә башлый.

Бүгенге көндә Алабуга районында шәһәрнең барлык предприятиеләре һәм учреждениеләре җылыту сезонына әзер.

Беренче чиратта җылылык балалар бакчаларына, мәктәпләргә, хастаханәләргә, поликлиникаларга һәм башка социаль учреждениеләргә бирелә. Шуннан соң торак йортлар һәм башка учреждениеләр җылылык белән тәэмин ителәчәк.