Алабугадагы БПЛА һөҗүменнән соң 7 кеше хастаханәдә кала бирә

Татарстанның медицина учреждениеләрендә Алабуга районында пилотсыз очкыч һөҗүме нәтиҗәсендә зыян күргән җиде кеше бар. Хастаханәгә җибәрелүчеләр арасында — өч балигъ булмаган бала.

Республика Сәламәтлек саклау министрлыгы мәгълүматлары буенча, Алабуга үзәк район хастаханәсендә уртача авырлыктагы җәрәхәтләре булган ике өлкән пациент дәвалана. Табиблар аларның халәтендә уңай динамика билгели. Өчесе Яр Чаллының Кама балалар медицина үзәгендә — аларның тормышына берни дә янамый, табиблар аларның хәлен тотрыклы дип бәяли. Тагын ике зыян күрүче ашыгыч медицина ярдәме хастаханәсенә озатылган, анда шулай ук кирәкле ярдәм бирелә.

Барлык пациентлар да квалификацияле медицина ярдәме белән тәэмин ителгән. Консультацияләр өчен федераль белгечләр җәлеп ителгән, алар Татарстан табиблары белән берлектә дәвалауның оптималь тактикасын билгели, дип хәбәр итәләр министрлыкның матбугат хезмәтендә.