Алабугадан 50 кешелек төркем гомрә хаҗы кыла

Алабуга шәһәре һәм районында яшәүче мөселманнарның 50 кешелек төркеме хәзерге вакытта Хәлим хәзрәт Шәмсетдинов җитәкчелегендә гомрә хаҗы кыла. Бу хакта мөхтәсибәтнең матбугат хезмәтендә хәбәр иттеләр.

Тәҗрибәле гидлар хаҗ кылучыларны Согуд Гарәбстаны территориясендә булган вакытта озатып йөриячәк. Алар барлык кирәкле документларны булдырып, медицина хезмәте күрсәтүгә бәйле мәсьәләләрне хәл итәчәк, изге Мәккә һәм Мәдинә җирендә хаҗ кылу кагыйдәләрен һәм таләпләрен үтәгәндә үзләренең киңәшләре белән ярдәм итәчәк.