Алабугалы хатын-кызга караклык өчен штраф билгеләнгән

Җәмәгать судьясы тарафыннан расланганча, 11 мартта Алабугада яшәүче 40 яшьлек хатын-кыз кибеттә бәясе 700 сумнан артык булган товар урлаган. Бу хакта Алабуга шәһәр суды матбугат хезмәте хәбәр итә. 

Суд утырышында ул үз гаебен таный һәм тәүбә итә. Хатын элек административ җаваплылыкка тартылмаган, шуңа күрә җәмәгать судьясы карары белән аңа 1000 сум күләмендә административ штраф рәвешендә җәза билгеләнгән.