Алабугалы лотереяда миллион сум акча откан

Татарстанда яшәүче биш кеше яңа елда лотерея миллионерлары булды.

Татарстанда яшәүче биш кеше милли лотереянең Яңа ел тиражында җиңүче булды. Аларның һәркайсы берәр миллион сум акча откан, дип хәбәр итә «Россия Почтасы»ның матбугат хезмәте. 

Тираж нәтиҗәләре Беренче каналда (18+) 2024 елның 1 гыйнварында игълан ителде. Россия буенча барлыгы 300дән артык кеше миллион сум акча откан. «Бәхетлеләр» санына Алабуга, Чаллы, Казан, Бөгелмә, Азнакай кешеләре кергән.