Алабугалы Марушкиннар гаиләсенең 10 еллык проблемасы хәл ителде

Ирле-хатынлы Ольга һәм Петр Марушкиннар Беренче май урамында урнашкан шәхси йортта яшиләр. 10 елдан артык аларның бакчаларын кар сулары баскан, су ага торган улаклары эшләмәгән.

Әлбәттә, бу хәлләр йорт хуҗалыгын алып баруда кыенлыклар тудырган. Мәсәлән, узган ел участокны су басу аркасында ир белән хатын бакчада сезонлы эшләрне җәй көне генә башлый алганнар. Моннан тыш, торбалардан китмәгән, киресенчә, анда җыелган су канализация системасын да җимерә башлаган. Кыскасы, проблема гадиләрдән түгел.

‒ Без башкарма комитетка Эдуард Гаязетдиновка (башкарма комитет җитәкчесенең төзекләндерү, транспорт һәм юл хуҗалыгы буенча урынбасары вазифаларын башкаручы) һәм Алабуга су каналы җитәкчелегенә ярдәм сорап мөрәҗәгать иттек. Безнең мөрәҗәгатьне кабул итеп кенә калмадылар, ә безгә ярдәм иттеләр! Узган ел Су каналы белгечләре өч тапкыр килделәр, су үткәргеч торбаларны чистарттылар. Быел да алар кабат тиз җавап бирделәр: системаны яңарттылар, ике метр тирәнлектә дренажны чистарттылар.

Ольга белән Петр Марушкиннар — икесе дә хезмәт ветераннары, күрсәтелгән ярдәм өчен чын күңелдән рәхмәтле.

− Чыннан да ярдәм итәргә әзер булган кешеләр күбрәк булсын иде! — диләр алар.

Хәзер, проблема хәл ителгәннән соң, Марушкиннар яңадан яраткан яшелчә бакчасы белән шөгыльләнә алачак.