Алабугалы МХО сугышчыларына ярдәмгә УАЗ автомобилен тапшырды

Махсус хәрби операция башланганнан бирле Сергей ярдәм итәргә тырыша: әйберләрне, азык-төлекне, көнкүреш химиясен һәм акчаларны гуманитар ярдәм җыю пунктларына тапшыра. Сугышта булган күп кенә якташларыбызны шәхсән белә. Шушы көннәрдә ул егетләргә ярдәмгә УАЗ автомобилен тапшырды. Дусты Рөстәм Садыйков белән алар машинаны МХО зонасында кулланышка әзерләгәннәр.

— Машина йөри, бик яхшы хәлдә, — дип сөйли Сергей. — Ләкин, ышанычлырак булсын өчен, без аны яңадан карап чыктык, двигательне тикшердек, барлык винтикларына кадәр − тулысынча. Анда, фронт сызыгында, техниканың иң җаваплы моментта ватылмавы никадәр мөһим икәнен аңлыйбыз.

— Штурмга барганда, — дип уртаклаша Рөстәм, — азык-төлек белән машиналар кайчакта вакытында килми, чөнки алар бөтен фронтка җитми. Һәм сугышчылар озак вакыт азык-төлексез яшәргә туры килә.
УАЗикны «Лего» позывнойлы сугышчы кабул итте, ул МХО зонасыннан махсус бу машина артыннан килгән.

— Мондый ярдәмнең мөһимлеген сүз белән генә әйтеп бетереп булмый. Машина азык-төлек, кешеләрне алгы сызыкка алып керәчәк. Ләкин иң мөһиме — яралыларны алып чыгачак. Техника җитми, бу УАЗик өчен зур рәхмәт.

Машина белән бергә Сергей гуманитар ярдәм дә бирергә планлаштыра. Бик тыйнак кеше ул, әмма чынлыкта ул тормыш иптәше Светлана һәм дуслары белән безнең җиңүне якынайту өчен бик зур өлеш кертә.