Алабугалылар игътибарына: урманнарга керү тыела

29 августка кадәр «Түбән Кама» милли паркы территориясендә янгын куркынычы дәрәҗәсе арту сәбәпле, гадәттән тыш хәл режимы кертелде. Урманнарда янгын куркынычсызлыгын тәэмин итү максатларында гражданнарның булуы, транспорт чаралары керү чикләнә. 

Гадәттән тыш хәл режимы гамәлдә булган чорда милли парк территориясендә патруль көчәйтелде, Алабуга һәм Чаллы участок урманчылыкларының янгын-химия станцияләрендә тәүлек буе кизү тору оештырылды, минераллаштырылган полосаларны яңарту бара.