Алабугалылар исерек шоферлар турында Telegram аша хәбәр итә ала

Татарстан Дәүләт автоинспекциясендә хәбәр итүләренчә, республиканың һәр районында юл кагыйдәләрен бозучылар, исерек шоферлар турында хәбәр итү өчен Telegram-каналлар булдырылган.

Каналны табу ансат: Telegram мессенджерының эзләү юлында (поиск) «Госавтоинспекция» сүзен һәм кирәкле район атамасын кертергә кирәк. Моннан тыш, гражданнарны кабул итү урыннарында урнаштырылган QR-кодлар ярдәмендә дә әлеге каналга язылырга мөмкин. 

Telegram-канал аша килгән барлык мәгълүмат — аноним.

Дәүләт автоинспекциясе исерек килеш руль артына утыру проблемасына битараф калмаска һәм алар турныда полициягә Телеграм аша, яки 112, 02 яки 8-843-533-38-88 телефоннары буенча вакытында хәбәр итәргә чакыра.

Исерек йөртүче турында алабугалылар @gibdd_elabuga_bot сылтамасы буенча кереп аноним хәбәр калдыра ала.