Алабугалылар «Татар кызы-2022» бәйгесендә катнашучы кызлар өчен тавыш бирә ала

Удмуртиянең «Татар кызы-2022» бәйгесендә иң-иңнәре өчен тавыш бирү башланды. «Татар кызы — 2022» матурлык һәм талант конкурсының финалы 1 апрельдә Ижауның Халык иҗаты йортында узачак. «Татмедиа» АҖ, «Шәһри Казан» һәм «Без бергә» газеталары әлеге конкурс-бәйгенең мәгълүмати партнеры булып тора.

Бүген http://shahrikazan.ru/ сайтында кызлар өчен тавыш бирү этабы башлана. Иң күп тавыш җыйган конкурсант «Татмедиа» АҖ һәм «Шәһри Казан» газеталарының махсус бүләкләренә ия булачак. Тавыш бирү 31 март, көндезге 12.00гә кадәр дәвам итәчәк.