Алабугалылар Укытучылар көненә фотоконкурста катнаша ала

«Новая Кама» һәм «Алабуга нуры» газеталары редакциясе 5 октябрьдә билгеләп үтелә торган Укытучылар көненә фотоконкурс үткәрә.

Конкурс шартлары бик гади — укытучыгыз белән фотога төшегез яисә аны архивтан сайлап алыгыз; фотоны «ВКонтакте»дагы «Новости Елабуги» төркемендә махсус альбомга өстәгез.

Фотоларны 5 октябрьгә кадәр җибәрергә мөмкин. Иң күп лайк (тавыш) җыйган фото җиңәчәк. Нәтиҗәләр октябрьнең 5ендә ясалачак. Җиңүче редакциядән үзенең укытучысы өчен бүләк алачак.
Реклама