Алабугалыларга шәһәр киңәшмәсендә бүләкләр тапшырылды

Бүген гомумшәһәр планеркасы Алабуга районы Финанс-бюджет палатасы рәисе Эльмира Садыйкованы юбилее белән котлаудан башланды. Алабуга районы башлыгы урынбасары Олег Колпаков аңа Татарстан Республикасы Дәүләт Советы Рәисенең Рәхмәт хатын тапшырды.

Планерка спортчыларга бүләкләр тапшыру белән дәвам итте. 
Сатдарова Алия Рөстәм кызына Татарстан Республикасы спорт министрлыгы боерыгы белән нәфис гимнастика буенча «Спорт мастерлыгына кандидат» спорт разряды бирелде.

Галимов Илнар Глус улына Россия Федерациясе Спорт министрлыгы боерыгы белән көрәш буенча «Халыкара класслы спорт мастеры» исеме бирелде.

«Лесные пчелы» хоккей командасы Анатолий Владимирович Тарасов исемендәге «Алтын алка» Бөтенроссия ярышларында 2 урынны яулады. 

фото: АМР башлыгы матбугат хезмәте