Алабугалыларны 14 февральдә азык-төлек ярминкәсенә чакыралар

Алабугалыларны бу шимбәдә, 14 февральдә узачак авыл хуҗалыгы ярминкәсенә чакыралар. Фермерлар рәтләре хәзер яңа урында — шәһәрнең аскы өлешендә, «Шишкин» кунакханәсе каршындагы парковкада (Нефтьчеләр проспекты һәм Говоров урамы киселеше) урнаша.

Җирле аграрийлар шәһәр халкына продукциянең киң ассортиментын тәкъдим итә: яшелчә һәм җиләк-җимеш, ит, сөт әйберләре, шулай ук кош ите һәм йомырка. Ярминкә 8:00 дән 15:00 гә кадәр эшләячәк.

Мондый сәүдә мәйданчыклары майга кадәр һәр шимбәдә булачак.