Алабугалыларны «Әбунәче көне»нә чакыралар

Реклама АО «ТАТМЕДИА» erid:2Vtzqw5bmEi

«Язылу декадасы» кысаларында «Алабуга нуры» һәм «Новая Кама» газеталары редакциясе алабугалыларны «Әбунәче көне» нә чакыра.

8 декабрьдә шәһәребезнең 2 нче номерлы почта бүлегендә (Тынычлык проспекты, 34) традицион «Әбунәче көне» узачак. Бу көнне теләгән һәркем район газеталарына яхшы ташлама белән языла ала.

Шул ук көнне, 8 декабрьдә, мондый мөмкинлек Поспелово авылында да булачак, андагы почта бүлегендә «Әбунәче көне» акциясе сәгать 9.00дән 11.00гә кадәр узачак.

2024 елның I яртыеллыгына язылу бәясе: «Алабуга Нуры» — 795 сум, «Новая Кама» — 841 сум 50 тиен.

Газеталарны редакциядән, Үзәк китапханәдән яки шәһәр мәдәният сараеннан үзегез килеп алган очракта, ярты елга язылу бәясе 500 сум була.