Алабугалыларны бала тугач бирелә торган пособие алу тәртибе белән таныштырдылар

Ел башыннан 20 442 мең гаилә бала тугач бирелә торган пособие — бер тапкыр күрсәтелә торган ярдәм чарасы алды, аны Россия Социаль фондының Татарстан бүлеге ата-аналарның берсенә бирә. 

Әлеге төр түләүне финанслауга барлыгы 502 миллион сумнан артык акча юнәлдерелгән.

Эшләүче ата-ана пособие алу өчен үзенең эш бирүчесенә мөрәҗәгать итәргә тиеш. Быел пособие күләме 7,4 процентка индексацияләнде һәм 24 604,30 мең сум тәшкил итә. Әгәр гаилә район коэффициенты кулланыла торган территориядә яшәсә, әлеге коэффициентка арттыруны исәпкә алып, пособие югарырак күләмдә билгеләнә.

Түләүне рәсмиләштерү өчен эшләмәүче ата-анага Татарстан Республикасы буенча Социаль фондның клиент хезмәтенә яисә шундый хезмәт күрсәтә торган күпфункцияле үзәккә гариза бирергә кирәк. Гариза шулай ук дәүләт хезмәтләре порталы аша да кабул ителә. Эшләүче гражданнарга түләү билгеләүне сорап эш белән тәэмин итүчегә мөрәҗәгать итәргә кирәк.

— Түләү гаиләләрнең керем дәрәҗәсенә бәйсез рәвештә һәр балага бирелә. Акчаны шулай ук баланың опекуннары, уллыкка яисә тәрбиягә алган ата-аналары да алырга мөмкин, — дип билгеләп үтте Россия Социаль фондының Татарстан Республикасы буенча бүлеге идарәчесе Эдуард Вафин.

Сораулар булса, дүшәмбе-пәнҗешәмбе көннәрендә 08.15 сәгатьтән 17.30 сәгатькә кадәр, җомга конне 08.15-16.15 сәгатьләрдә 8-800-1-00000-1 телефоны буенча Татарстан Республикасы Россия Социаль фонды бүлегенең бердәм контакт-үзәгенә шалтыратып, консультация ала аласыз.