Алабугалыларны гомумшәһәр планеркасында бүләкләделәр

АМР башлыгы шәһәр Ветераннар советы президиумы әгъзасы Анатолий Ильич Разживинны 75 яшьлек юбилее белән котлады һәм шәһәр тормышында актив катнашуы, яшь буынга рухи-әхлакый һәм патриотик тәрбия бирүе өчен рәхмәт белдерде.

Намуслы һәм нәтиҗәле хезмәте өчен АМР башлыгының рәхмәт хаты белән бүләкләнделәр:

• Гайфуллин Илдус Нурулла улы — «Алексеевскдорстрой» җәмгыятенең машина йөртүчесе;
• Коновалов Александр Евгеньевич — «Алексеевскдорстрой» җәмгыятенең машина йөртүчесе;
• Хәкимов Вәкил Хәлим улы — «Алексеевскдорстрой» җәмгыятенең машина йөртүчесе.

Эшмәкәрлек бергәлеген үстерүдә актив хезмәттәшлек иткән өчен АМР башлыгының рәхмәт хаты белән бүләкләнделәр:

• Сысоев Константин Сергеевич — «Стальные технологии» ҖЧҖ генераль директоры;
• Кадыйров Нурислам Мидехат улы — шәхси эшмәкәр.

Алабуганың йөзү буенча беренче спорт мастеры, Алабуга медицина көллиятенең 1 курс студенты Волкова Яна Максимовна спорттагы югары казанышлары өчен АМР башлыгының рәхмәт хатына лаек булды.