Алабугалыларны Яңа ел алды авыл хуҗалыгы ярминкәсенә чакыралар

28 декабрьдә иртәнге 9.00 сәгатьтә «Мираж» сәүдә үзәге территориясендә Яңа ел алды авыл хуҗалыгы ярминкәсе узачак. Алабуга халкы бәйрәм өстәленә үтемле бәядән азык-төлек сатып ала алачак.

Ярминкәләрдә Алабуга районының һәм күрше шәһәрләрнең авыл хуҗалыгы җитештерүчеләре, шәхси эшмәкәрләре һәм крестьян-фермер хуҗалыклары үз продукциясен тәкъдим итәчәк. Килүчеләр өчен бәйрәм концерт программасы, шулай ук күңел ачу уеннары һәм конкурслар оештырылачак.