Алабугалыны намуслы хезмәте өчен бүләкләделәр

Бүген шәһәр планеркасы кысаларында Алабуга районы башлыгы урынбасары Роман Исланов Светлана Прохоровага Алабуга муниципаль районы башлыгының Мактау грамотасын тапшырды.

Бүләк Татарстан Республикасы Хезмәт, халыкны эш белән тәэмин итү һәм социаль яклау министрлыгының Алабуга муниципаль районында социаль яклау идарәсе башлыгы вазифасында күпьеллык намуслы хезмәте һәм югары һөнәри осталыгы өчен тапшырылды.

Роман Исланов Светлана Прохорованың районның социаль өлкәсен үстерүгә керткән өлешенең әһәмиятен билгеләп үтте һәм аңа алга таба да уңышлар теләде.