Алабуганың Җәмигъ мәчетендә яңа имам сайланды

Хәлим хәзрәт Рәсәй ислам университетын тәмамлаган, озак вакыт буена Ерак Көнчыгышта мөфти булып эшләгән.

Җыелышта Татарстан мөфтие урынбасары Рөстәм хәзрәт Хәйруллин, Алабуга районы имам-мөхтәсибе Әҗмәл хәзрәт Саматов, мөселманнар катнашты.

Хәлим хәзрәтне имам итеп сайлаганнан соң, Рөстәм хәзрәт Хәйруллин аны Татарстан мөфтие исеменнән яңа вазифа белән тәбрикләде. Ул аңа уңышлар теләде һәм мәчетнең үз вазифаларын намуслы башкарып, шәһәрнең рухи үзәгенә әверелүенә ышаныч белдерде.