Алабуганың Әйләнеч шоссе урамында иске тимер-бетон яктырткычларны сүтә башладылар

Аларның һәрберсендә тонык сары яктылык бирә торган искергән яктырткыч куелган.

— Кешеләрне утсыз калдырмас өчен, без түбәндәге принцип буенча эшләдек: башта яңа линия төзедек, аннары иске линияне сүттек. Барлыгы 17 яңа металл терәк урнаштырылган. Аларның һәркайсына өч «мөгезле» кронштейн куелган: ике яктырткыч — юл өлешен, ә берсе тротуарны һәм аның тирәсендәге йортларны яктыртачак. Шулай итеп, без барлыгы 51 заманча светодиодлы яктырткыч урнаштырдык. Алар яктырак кына түгел, ә шактый экономиялерәк тә, − дип аңлатты Павел Немов.

Бу участокта кабель һава аша узган, аны сүткәннәр һәм җир астына салганнар. Хәзерге вакытта яңа линия инде эшләтеп җибәрелгән.

Шулай ук быел Меңьеллык скверында эшләр башкарылды, анда 6 терәк, 8 яктырткыч куелды. Ипподромнан Танайка шоссесына кадәр юл буена светодиодлы яктырткычлары булган 10 яңа багана куелган. Бу юлда эш узган ел башланган иде — яктылык Икмәк шәһәрчегенә борылыштан ипподромга кадәр үзгәрде. Шулай итеп, быел бу урамны яктырту эшләре төгәлләнде. Шулай ук быел Автомобильчеләр урамында «Адымнар-Алабуга» полилингваль комплексы янында 17 багана урнаштырылган. Нефтьчеләр проспектында яктырту эшләре дәвам итә.