Алабуганың Беренчеләр хәрәкәте активистлары «Кар десанты» оештырды
Алар өлкәннәргә, күп балалы гаиләләргә һәм аз хәрәкәтләнүче гражданнарга кар белән көрәшергә ярдәм итә.
Алабуганың Беренчеләр хәрәкәте активистлары шәһәрдә беренчеләрдән булып кышкы чорда ярдәмгә мохтаҗ булган өлкәннәргә, күп балалы гаиләләргә һәм аз хәрәкәтләнүче гражданнарга ярдәм итү өчен «Кар десанты» оештырды.
Иреклеләр кар көртләре белән капланган ишегалларына чыктылар, юлларны, өйләргә һәм подъездларга керү юлларын кардан чистарттылар. Акциядә катнашучылар билгеләп үткәнчә, ихлас елмаю һәм рәхмәт сүзләре — алар өчен иң зур бүләк.
«Беренчеләр хәрәкәтендә булу — ул мөһим булганда янәшә булу дигән сүз. Нәкъ менә игътибар һәм кайгырту чын могҗиза тудыра», — дип ассызыкладылар Хәрәкәттә катнашучылар.
Оешма барлык теләүчеләрне волонтерлык инициативаларына кушылырга, уртак тырышлык белән игелекле эшләр башкарырга һәм мохтаҗларга ярдәм итәргә чакыра.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев