Алабуганың яшь гвардиячеләре «Тимер» батальонын алдынгы 3D-остаханә белән җиһазладылар

Алабугада Татарстанның «Тимер» батальоны хәрбиләренә ярдәм йөзеннән зур акция узды. «Яшь Гвардия»нең җирле бүлеге активистлары шәһәр халкы белән бергә сугышчыларга заманча җиһазлар — ике 3D-принтер, шулай ук Россиянең дәүләт флагларын тапшырды.

Бу ярдәмнең чын кыйммәте бәяләп бетергесез: техника алгы сызыкта 3D-остаханә җәелдерергә мөмкинлек бирәчәк. Хәрби хезмәткәрләр кирәкле детальләрне оператив рәвештә җитештерә алачак — боеприпаслар корпусларыннан һәм пилотсыз очкычлар өчен компонентлардан алып төрле җиһазлар өчен запас частьләргә кадәр.

«Волонтерлар тырышлыгы һәм җирле халыкның ярдәмчеллеге нәтиҗәсендә без булган җиһазларны ремонтлап кына калмыйча, урында ук яңа әйберләр да булдыра алабыз» — дип хәбәр иттеләр «Тимер» батальоны вәкилләре. — Бу ярдәм аеруча кыйммәт, чөнки бу безгә мөстәкыйль булырга һәм сугыш хәрәкәтләренең үзгәрә торган шартларына тизрәк җавап бирергә мөмкинлек бирә".

Акция гражданлык җәмгыяте һәм кораллы көчләрнең нәтиҗәле хезмәттәшлеген, технологик ярдәмнең бүлекчәләрнең сугышка сәләтлелегенә йогынты ясавын күрсәтте.