Алабуганың «Ромашка» балалар бакчасы «Безнең ишегалдында» конкурсының республика этабына чыкты

«Безнең ишегалдында» («А у нас во дворе») конкурсының республика этабы башланды. Алабуганы конкурста 17нче «Ромашка» балалар бакчасы тәкъдим итә. Алабугалылар матур итеп бизәлгән мәктәпкәчә учреждение тәрәзәләрен район күләмендәге тавыш бирү этабында сайладылар. 

Алабугалылардан «Ромашка» балалар бакчасына ярдәм итүләрен һәм алар өчен тавыш бирүләрен сорыйбыз. Тавыш бирү исемлегендә алар 18 нче урында. Тавышны монда бирергә мөмкин. 

Мәктәпкәчә учреждениенең тугыз педагогы Яңа ел алдыннан бакчаның 18 тәрәзәсен бизәгән, шуның белән бәйрәм кәефе тудырган. Эшне башкару өчен аларга өч көн кирәк булган.