Александр Малькевич Иннополиста электрон тавыш бирүне сынап карарга тәкъдим итте

Татарстан электрон форматта тавыш бирүне үткәрергә әзер. Бу яңалыкны республика якын арада бер торак пункт мисалында сыный ала. РФ Иҗтимагый палатасының РФ Конституциясенә үзгәрешләр кертү мәсьәләсе буенча гомумроссия тавыш бирүенә әзерлек буенча эшче төркеме әгъзасы, Милли кыйммәтләрне яклау фонды президенты Александр Малькевич шундый тәкъдим яңгыратты.
Аның фикеренчә, тавыш бирүне Дәүләт хезмәтләре порталында үткәрергә мөмкин. Республика халкы электрон бюллетеньнең ничек җиңел булуын күрәчәк. 
Федераль эксперт төбәк сайлауларны үткәрүдә инновацияләр буенча ил лидерларының унлыгына керә ала, дип саный.
Шулай ук Александр Малькевич тавыш бирү вакытында республиканы төрле фейклар һөҗүм итүен билгеләп үтте, әмма ТР Президенты, «Татмедиа» агентлыгы һәм телевидение ярдәмендә халыкка барлык мәгълүмат оператив рәвештә аңлатыла.