Ата-аналар Россия мәгариф министрына сорау бирә ала

28 августта VIII Бөтенроссия ата-аналар җыелышы була. Биредә Россия Федерациясе мәгариф министры Сергей Кравцов туры эфирда укучыларның ата-аналары сорауларына җавап бирәчәк, дип хәбәр итә Татар-информ.

Аралашу илнең төрле төбәкләреннән кергән диалог форматында узачак. Туры эфирны онлайн-трансляция кысаларында күзәтергә мөмкин. Бу турыда Татарстан Мәгариф һәм фән министрлыгы хәбәр итте.

Министрга сорауны 20 августка кадәр Гомумроссия ата-аналар җыелышы сайтында, сораулар җыю өчен махсус биттә бирергә мөмкин, диелә хәбәрдә.