Авыл хуҗалыгында хезмәтне саклау буенча яңа кагыйдәләр үз көченә керде

 Кагыйдәләр туфракны эшкәртү, урып-җыю һәм үсемлекчелек продукциясен җыю һәм эшкәртү, авыл хуҗалыгы терлекләрен һәм кошларын карау, мелиорация эшләре, җитештерүнең юынтык суларын чистарту һәм авыл хуҗалыгы продукциясен беренчел эшкәртү процессларын оештыру һәм үткәрү вакытында үтәлергә тиешле таләпләрне чагылдыра. 

Моннан тыш, кагыйдәләрдә персоналның хуҗалык эшләрен башкарган вакытта хезмәт куркынычсызлыгын үтәү, җитештерү биналары, эш урыны, технологик процесслар һәм АПК, чимал, материал, әзер продуктларны һәм калдыкларны транспортировкалауга куелган таләпләр урын алган. 
Кагыйдәләрдә эшләрнең төрле төренә карата катгый инструкцияләр бирелә, теге яки бу ситуация барлыкка килгән очракта нишләргә кирәклеге конкрет аңлатыла. 

ТР Авыл хуҗалыгы министрлыгы биргән мәгълүмат буенча, кагыйдәләр 1800 АПК оешмасын һәм Татарстанның авыл хуҗалыгы өлкәсендә эшләүче 60,5 мең кешене колачлаячак.